Öðruvísi útskýringar

Didache

Lærdómur Drottins, opinberaður postlunum tólf, handa þjóðunum.

Fyrsti kafli; Vegirnir tveir og Fyrsta Boðorðið
Vegirnir eru tveir, annar er lífsins og hinn dauðans, en það er mikill munur á milli veganna tveggja. Vegur lífsins er þá þessi; Fyrst og fremst skaltu elska Guð sem skapaði þig, og í öðru lagi; elskaðu náunga þinn einsog sjálfan þig, og gerðu engum öðrum nokkuð það sem þú vilt ekki að sé gert við þig. Og í þessum skipunum er lærdómurinn þessi; Blessaðu þá sem bölva þér, biddu fyrir óvinum þínum og fastaðu vegna þeirra sem ofsækja þig. Því hvaða laun fást fyrir að elska þá sem elska þig? Gera ekki heiðingjarnir hið sama? En elska skaltu þá sem hata þig, og þú munt ekki eiga einn einasta óvin. Forðastu holdlegar og veraldlegar nautnir. Ef einhver slær þig á hægri kinnina, snúðu þá hinni að honum og þá muntu verða fullkominn. Ef einhver biður þig að ganga með sér eina míla, skaltu ganga með honum tvær. Ef einhver tekur yfirhöfn þína, skaltu gefa honum kápu þína að auki. Ef einhver tekur frá þér eign þína, biddu þá ekki um að fá hana til baka, því að í raun er það ekki hægt. Gefðu öllum þeim sem biðja þig og biddu ekki um að fá það til baka, því að Faðirinn vill að allir fái að njóta með af okkar eigin blessunum (fríu gjöfum). Sæll er sá sem gefur samvæmt boðorðinu, því hann er ósekur. Vei þeim sem þiggur, því að ef einhver þiggur í neyð sinni er hann ósekur, en sá sem þiggur án þurftar mun greiða gjald sektarinnar, fyrir það sem hann hefur þegið og hversvegna. Og þegar hann er króaður af mun hann skoðaður verða, útfrá þeim hlutum sem hann hefur gert, og hann skal ekki sleppa þaðan fyrren hann hefur endurgreitt hinn síðasta eyri. Og einnig varðandi þetta, þá hefur verið sagt; "láttu ölmusuna svitna í lófanum, þartil þú veist hverjum þú átt að gefa".

Annar kafli. Annað boðorðið; Dauðleg og forboðin synd.
Þú skalt ekki morð fremja, þú skalt ekki iðka hórdóm, þú skalt ekki fremja skömm að hætti N.a.m.b.l.a (pederasty), þú skalt ekki iðka saurlifnað, þú skalt ekki stela, þú skalt ekki iðka töfra, þú skalt ekki iðka galdra, þú skalt ekki myrða barn, ekki með fóstureyðingu né drepa það sem þegar er fætt. Þú skalt ekki girnast það sem tilheyrir nágranna þínum, þú skalt ekki sverja, þú skalt ekki bera falsvitni, þú skalt ekki mæla illt, þú skalt ekki bera kala. Þú skalt ekki vera tvíræðinn í hugsunum né falskur í tali, því falstal (double talk) er snara dauðans. Ræða þín skal ekki vera fölsk, né innantóm, heldur opinberuð í verki. Þú skalt ekki vera ágjarn, né skiptandi góss, né hræsnari, né snöggur til ills, né drambsamur. Þú skalt ekki leggja á ráðin gegn nágranna/náunga þínum. Þú skalt ekki hata nokkurn mann, en suma máttu áminna og fyrir sumum skaltu biðja, og suma skaltu elska meira en eigið líf.

Kafli þrjú. Aðrar bannaðar syndir.
Barnið mitt, flýðu frá öllu illu og öllu sem því líkist. Vertu ekki hvatur til reiði, því að reiði leiðir til morðs. Vertu hvorki afbrýðissamur né erjugjarn, né skapbráður, því að af öllu þessu eru morðin sprottin. Barnið mitt, vertu ekki nautnamaður, því nautnir leiða til saurlifnaðar. Vertu hvorki með sóða kjaft né leitandi augu, því að af því öllu er hórdómurinn sprottinn. Barnið mitt, vertu ekki að fylgjast með táknum, því það leiðir til skurðgoðadýrkunar. Vertu hvorki töframaður né stjörnuspekingur, né hreinsari né viljugur til þess að horfa á slíka hluti, því að úr öllu því er skurðgoðadýrkun sprottin. Barnið mitt, vertu ekki lygari, því lygi leiðir til þjófnaðar. Vertu hvorki elskur að peningum né hégómlegur, því að úr öllu því er þjófnaður sprottinn. Barnið mitt, vertu ekki muldrari, því að það er leiðin til guðlasts. Vertu hvorki sjálfviljugur né illa innrættur, því að úr öllu því eru guðlastanir sprottnar. Vertu heldur auðmjúkur, þarsem hinir auðmjúku munu jörðina erfa. Vertu þolinn í þrautum og aumkunarverður og hreinskiptinn og blíður og góður og alltaf með skjálfta vegna orðanna sem þér hafið heyrt. Þú skalt ekki upphefja sjálfan yður, né hafa oftraust á eigin sál. Sál þín skal ekki sameinast þeim sem upphefja sig en með réttlátum og lítilsigldum skal hún hafa samneyti. Taktu öllu sem gerist fyrir þig sem góðu, vitandi að án Guðs á ekkert sér stað.

Kafli fjögur. Ýmsar fyrirskipanir.
Barnið mitt, mundu dag og nótt eftir þeim sem talaði orð Guðs til þín, og heiðraðu þann aðila sem Drottinn. Því að hvar sem Drottins-reglan er tautuð, þar er Drottinn. Og leitaðu að ásjónu dýrlinganna dag eftir dag, til þess að þú megir hvílast ofan á orðum þeirra. Þráðu ekki deilur, en leiddu heldur saman þá sem deila. Dæmdu réttlátlega, og farðu ekki í manngreinaálit þegar þú áminnir fyrir brot. Þér skuluð ekki vera óákveðinn um hvort það á að verða eða ekki. Vertu ekki sá sem teygir fram hendurnar til að þigga og dregur þær til baka þegar á að gefa. Ef þér eigið eitthvað, þá er það gegnum hendurnar sem þér borgið lausnargjald fyrir syndir yðar. Hikaðu ekki við að gefa, og kvartaðu ekki þegar þú gefur; því að þú skalt kynnast því hver er hinn góði endurgjaldari allra hluta. Snúðu ekki baki við þeim sem skortir, en deildu heldur öllum hlutum með þínum bróður og segðu ekki að þeir séu þínir. Því að ef þér eruð hluttakendur í því sem er ódauðlegt, hversu miklu meira ertu ekki með í hinu dauðlega? Fjarlægðu ekki höndina af syni þínum eða dóttur, en kenndu þeim heldur að óttast Drottinn frá æsku sinni. Festu aldrei neitt í gremju við ánauðugan mann eða þjónustumey sem vona til sama Guðs, nema að þú viljir að þau óttist annan en Guð, sem yfir báðum er; því að hann kemur ekki til að kalla samkvæmt ytra útliti, heldur til þeirra sem Andinn hefur undirbúið. Og þér ánauðugu menn skuluð vera undirgefnir meisturum yðar sem "type of God" í hóglæti og ótta. Þér skulið hata alla hræsni og allt sem er ekki þóknanlegt Drottni. Yfirgefið ekki boðorð Drottins að neinu leiti, en haldið því sem þér hafið meðtekið, án þess að bæta við það eða taka frá því. Í kirkjunni skulið þér gangast við syndum yðar og þér skulið ekki ganga til bæna með óhreina samvisku. Þetta er vegur lífsins.

Fimmti kafli. Vegur dauðans.
Og vegur dauðans er þessi; Fyrst og fremst er hann illur og fordæmdur; morð, framhjáhald, losti, saurlífi, þjófnaðir, skurðgoðadýrkun, töfrar, galdrar, nauðgun, falsvitni, hræsni, tvídrægni, svik, drambsemi, siðleysi, "self-will", ágirnd, sóðatal, afbrýðisemi, of mikið sjálfstraust, sjálfs-upphafning, sjálfshælni; ofsækjendur hins góða, hatandi sannleikann, elskandi lygina, þekkja ekki laun réttvísinnar, halda sér ekki við hið góða né við réttlátann dóm, horfa ekki eftir hinu góða en bara hinu illa; sá sem auðmýktin og þolgæðið eru fjarri, elskandi hégómann, að sækjast eftir hefndinni, án vorkunnar í garð fátæklingsins, án þess að vinna fyrir hinum þjáðu, þekkjandi ekki Hann sem skapaði þau, morðingi barna, eyðileggjandi handarverka Guðs, vísandi frá sér þeim sem er í nauðum, ofsækjandi þann sem er í vanda, talsmaður hinna ríku, löglausir dómarar yfir hinum fátæku, guðsvolaðir syndarar. Látið frelsast, börn, frá öllu þessu.

Sjötti kafli. Mót falskennurum, og skurðgoða matfórn.
Sjáið til þess að enginn valdi því að þér villist frá vegi þessa Lærdóms, því hann kennir þér, auk Guðs. Og ef þú ert fær um að bera alla birgði Drottins, þá verðurðu fullkominn; en ef þú getur það ekki, gerðu þá bara það sem þú getur. Og varðandi matinn, þá skaltu halda því sem þú getur, en vertu gríðarlega varkár gagnvart því sem fórnað er til skurðgoða, því að það er þjónusta við dauð goð.

Sjöundi kafli. Um skírnina.
Og varðandi skírnina, skírið á þennan hátt; Eftir að hafa sagt allt þetta, þá skírið inní nafn Föðurins, og Sonarins og Heilags anda, í lifandi vatni. En ef þér hafið ekkert lifandi vatn, skírið þá í hinu vatninu, og ef það er ekki hægt með köldu vatni, notið þá volgt. En ef þér hafið hvorugt, hellið þá vatni þrisvar yfir höfuðið í nafni Föðurins og Sonarins og Heilags anda. En á undan skírninni skal láta skírarann fasta og þann sem lætur skírast, og allir aðrir sem vettlingi geta valdið, en þér skulið biðja þann sem lætur skírast að fasta einn eða tvo daga þar á undan.


Áttundi kafli. Fasta og Bænir (faðirvorið).
En látið eigi föstu yðar vera meðal hræsnara, því að þeir fasta á öðrum og fimmta degi vikunnar. Fastið heldur á fjórða degi og aðfangadegi (föstudegi). Biðjið ekki einsog hræsnararnir, heldur frekar einsog Drottinn hefur fyrirskipað í Guðspjalli sínu, einsog þetta;

Biðjið svona þrisvar sinnum á hverjum degi.

Níundi kafli. Altarissakramentið - Eucharist.
Og nú um eucharistið, gefið þakkir á þennan hátt. Fyrst um bikarinn;

Og um brauðið sem brotið er;

En látið engan eta né drekka af altarisbrauðinu/víninu, nema að þeir hafi látið skírast inní nafn Drottins, því að um þessa hluti hefur Drottinn líka sagt; "Gefið ekki hundunum hið heilaga"

Tíundi kafli. Bænir á eftir altarisgöngu.
En þegar þér hafið fengið fylli, færið þá þakkir á þennan hátt;

Leyfið spámönnunum að færa þakkir eins oft og þeim langar.

Ellefti kafli. Um kennara, postula og spámenn.
Hver sem því kemur og kennir yður alla þessa hluti sem fyrr er frá greint, honum skal tekið á móti. En ef kennarinn sjálfur snýr sér frá og kennir aðra kenning sem afmáir þessa, þá hlýðið eigi á hann. En ef hann kennir þannig að réttvísi aukist og þekking á Drottni, þá takið á móti honum sem Drottni. En varðandi postulana og spámennina, gjörið þá einsog Guðspjallið boðar. Takið á móti öllum postulum sem til yðar koma, sem væru þeir Drottinn. En hann skal ekki dvelja hjá yður lengur en einn eða tvo daga, ef þörf krefur. En ef hann dvelur í þrjá daga þá er hann falsspámaður. Og þegar postulinn heldur á braut á hann ekki að taka með sér nokkuð annað en brauð, þartil hann finnur sér samastað. Ef hann biður um peninga, þá er hann falsspámaður. Og spámann sem talar í Andanum skulið þér eigi reyna eða dæma; því að hver einasta synd mun verða fyrirgefin, en þessi synd er ófyrirgefanleg. En það eru ekki allir sem tala í andanum spámenn, heldur bara sá sem heldur sér við vegu Drottins. Þar fyrir munu falsspámaðurinn og spámaðurinn verða þekktir af veginum sem þeir fylgja. Og hver sá spámaður sem pantar sér mat í Andanum mun eigi eta hann, nema hann sé að sönnu falsspámaður. Og hver sá spámaður sem kennir sannleikann en iðkar ekki sjálfur einsog hann kennir, er falsspámaður. Og hver spámaður sem sannar að hann vinnur fyrir leyndardóm Kirkjunnar í heiminum, en kennir ekki öðrum að breyta einsog hann sjálfur gjörir, skal ekki verða dæmdur á meðal yðar, því að hjá Guði fær hann sinn dóm; því þannig var það einnig með hina fornu spámenn. En hver sá er segir í andanum; "Gefið mér pening" eða eitthvað annað þvíumlíkt, hann skuluð þér eigi hlýða á. En ef hann segir yður að gefa til annarra sem eru í neyð, látið þá engann leggja dóm á hann.

Tólfti kafli. Móttaka kristinna.
Takið á móti öllum sem koma í nafni Drottins, og reynið þá og kynnist þeim síðan, því þér öðlist skilning til hægri og vinstri. Ef sá sem kemur er förumaður, aðstoðið hann þá eins og yður er unnt, en hann skal ekki dvelja hjá yður lengur en tvo til þrjá daga, ef þörf krefur. En ef hann er listamaður og vill dvelja hjá yður áfram, látið hann þá vinna og vera í fæði. En ef hann kann enga iðn samkvæmt skilningi yðar, sjáið þá til þess að ef hann er kristinn, þá sé hann ekki iðjulaus þegar hann er hjá yður. En ef hann vill slíkt eigi gjöra, þá er hann "Christ-monger". Sjáið til þess að slíkum sé haldið fjarri.

Þrettándi kafli. Uppihald spámanna.
En hver einasti sanni spámaður sem vill búa á meðal yðar er verðugur síns uppihalds. Þannig er sannur kennari í sjálfum sér verðugur, einsog verkamaður, síns uppihalds. Frumgróði hverrar uppskeru skal þessvegna tekinn til hliðar handa spámönnunum; af afurðum vínpressunnar, þreskigólfsins, uxans og kindarinnar, því að þeir eru yðar æðstu prestar. En ef þér hafið engan spámann skal gefa það fátækum. Ef þér búið til brauðdeig gefið þá frumgróða þess samkvæmt boðorðinu. Eins skuluð þér þegar krukka af víni eða olíu er opnuð, mæla af þeim frumgróðann og gefa spámönnunum. Og af peningum, silfri, fatnaði og hverri eign skal taka frumgróðann, einsog þér finnst við hæfi, og gefa samkvæmt boðorðinu.

Fjórtándi kafli. Kristileg samkoma á Drottinsdegi.
Safnist saman á hverjum Drottinsdegi og bjótið brauð, og færið þakkir eftir að hafa játað brot yðar, til að fórn yðar megi vera hrein. En leyfið engum sem er ósáttur við náunga sinn að koma á samkomuna, þar til þeir hafa náð sáttum, til þess að fórnin verði ekki vanhelguð. Því að þetta er það sem talað var um af Drottni; "Á hverjum tíma og stað skal færa mér hreina fórn, því að ég er mikill konungur" segir Drottinn, og nafn mitt er dýrlegt meðal þjóðanna.

Fimmtándi kafli. Biskupar og Djáknar; kristileg aðfinnsla.
Skipið þessvegna fyrir yður biskupa og djákna verðuga Drottins, menn auðmjúka, án ástar á peningum, sannorða og sannreynda, því að þeir veita yður þjónustu sem spámenn og kennarar. Fyrirlítið þá því eigi, því að þeir eru sómi yðar, ásamt spámönnunum og kennurum. Og áminnið hvern annan, ekki í reiði heldur í friði, einsog þér sjáið gjört í guðspjöllunum, og leyfið engum að tala við þann yðar sem hefur gjörst brotlegur við náunga sinn, þar til hann iðrast. En gjörið bænir yðar og ölmusu og öll yðar verk, einsog þér hafið fordæmi fyrir í Guðspjalli Drottins vors.

Sextándi kafli. Vaktstaða; Endurkoma Drottins.
Vakið yfir lífi yðar. Látið eigi lampa yðar slokkna, né lendar yðar losna, en verið viðbúin, því að þér vitið ekki á hvaða stundu Drottinn vor mun koma. En komið oft saman, leitið þeirra hluta sem hæfa sálum yðar; því að ekkert af heildartíma trúfestinnar mun koma yður að gagni, ef þér eruð ekki fullkomnuð á síðustu tímum. Því að á hinum síðustu dögum munu falsspámenn og villendur margfaldast, og kindur munu breytast í úlfa, og ást verður breytt í hatur. Því að þegar lögleysi eykst þá munu þeir hata og ofsækja og svíkja hvern annan, og þá mun birtast heims-villandinn sem sonur Guðs og hann mun gjöra tákn og undur, og jörðin mun verða gefin í hans hendur og hann mun gjöra svívirðilega (og óguðlega) hluti sem hafa aldrei átt sér stað áður, frá því í upphafi veraldar. Þá mun allt mannkyn fara í eldsins dóm og mörg munu hrasa og tortímast, en þau sem eru stöðug í trú sinni munu bjargast undan sjálfri bölvaninni. Og þá munu opinberast merki sannleikans; hið fyrsta, útþennsla himnanna, svo merki lúðrahljómsins, og hið þriðja er upprisa dauðra. En þó ekki allra, því einsog sagt er; "Drottinn mun koma og allir hans heilögu með honum." Þá mun veröldin sjá Drottinn koma á skýjum himinsins.

³Lofaður sé Guð og faðir Drottins vors Jesú Krists, sem eftir mikilli miskunn sinni hefur endurfætt oss til lifandi vonar fyrir upprisu Jesú Krists frá dauðum, ⁴til óforgengilegrar, flekklausrar og ófölnandi arfleifðar, sem yður er geymd á himnum. ⁵Kraftur Guðs varðveitir yður fyrir trúna til þess að þér getið öðlast hjálpræðið, sem er þess albúið að opinberast á síðasta tíma.

⁶Fagnið því, þótt þér nú um skamma stund hafið orðið að hryggjast í margs konar raunum. ⁷Það er til þess að trúarstaðfesta yðar, langtum dýrmætari en forgengilegt gull, sem þó stenst eldraunina, geti orðið yður til lofs og dýrðar og heiðurs við opinberun Jesú Krists. ⁸Þér hafið ekki séð hann, en elskið hann þó. Þér hafið hann ekki nú fyrir augum yðar, en trúið samt á hann og fagnið með óumræðilegri og dýrlegri gleði, ⁹þegar þér eruð að ná takmarki trúar yðar, frelsun sálna yðar.

¹⁰Þessa frelsun könnuðu spámennirnir og rannsökuðu vandlega þegar þeir töluðu um þá náð, sem yður mundi hlotnast. ¹¹Þeir rannsökuðu, til hvers eða hvílíks tíma andi Krists, sem í þeim bjó, benti, þá er hann vitnaði fyrirfram um píslir Krists og dýrðina þar á eftir. ¹²En þeim var opinberað, að eigi væri það fyrir sjálfa þá, heldur fyrir yður, að þeir þjónuðu að þessu, sem yður er nú kunngjört af þeim, sem boðuðu yður fagnaðarerindið í heilögum anda, sem er sendur frá himni. Inn í þetta fýsir jafnvel englana að skyggnast.

¹³Gjörið því hugi yðar viðbúna og vakið. Setjið alla von yðar til þeirrar náðar, sem yður mun veitast við opinberun Jesú Krists. ¹⁴Verið eins og hlýðin börn og látið eigi framar lifnað yðar mótast af þeim girndum, er þér áður létuð stjórnast af í vanvisku yðar. ¹⁵Verðið heldur sjálfir heilagir í allri hegðun, eins og sá er heilagur, sem yður hefur kallað. ¹⁶Ritað er: "Verið heilagir, því ég er heilagur."

²⁶Eins og þjófurinn má skammast sín, þegar hann er staðinn að verkinu, svo má Ísraels hús skammast sín: Þeir, konungar þeirra, höfðingjar þeirra, prestar þeirra og spámenn þeirra, ²⁷segja við trédrumb: "Þú ert faðir minn!" og við stein: "Þú hefir fætt mig!"

Þeir hafa snúið við mér bakinu, en ekki andlitinu, en þegar þeir eru í nauðum staddir, þá hrópa þeir: "Rís upp og hjálpa oss!" ²⁸En hvar eru guðir þínir, sem þú hefir gjört þér? Þeir verða að rísa upp, ef þeir geta hjálpað þér, þegar þú ert í nauðum staddur! Því að guðir þínir, Júda, eru orðnir eins margir og borgir þínar.

²⁹Hví þráttið þér við mig? Þér hafið allir rofið trúnað við mig - segir Drottinn.

³⁰Til einskis hefi ég slegið sonu yðar, aga þýddust þér ekki, sverð yðar tortímdi spámönnum yðar, eins og eyðandi ljón.

³¹Þú kynslóð, gef gaum orði Drottins! Hefi ég verið eyðimörk fyrir Ísrael eða niðdimmt land? Hví segir þá þjóð mín: "Vér erum lausir, vér munum ekki koma aftur til þín!"

²²Seg því við Ísraelsmenn: Svo segir Drottinn Guð: Eigi er það yðar vegna, Ísraelsmenn, að ég læt til mín taka, heldur vegna míns heilaga nafns, sem þér hafið vanhelgað meðal þjóðanna, hvar sem þér komuð. ²³Og ég mun helga mitt hið mikla nafn, sem vanhelgað var meðal þjóðanna, það er þér vanhelguðuð meðal þeirra, til þess að þjóðirnar viðurkenni, að ég er Drottinn, - segir Drottinn Guð - þá er ég auglýsi heilagleik minn á yður í augsýn þeirra.

²⁴Ég mun sækja yður til þjóðanna og saman safna yður úr öllum löndum og flytja yður inn í yðar land.

²⁵Ég mun stökkva hreinu vatni á yður, svo að þér verðið hreinir, ég mun hreinsa yður af öllum óhreinindum yðar og skurðgoðum. ²⁶Og ég mun gefa yður nýtt hjarta og leggja yður nýjan anda í brjóst, og ég mun taka steinhjartað úr líkama yðar og gefa yður hjarta af holdi. ²⁷Og ég mun leggja yður anda minn í brjóst og koma því til vegar, að þér hlýðið boðorðum mínum og varðveitið setninga mína og breytið eftir þeim. ²⁸Og þér skuluð búa í landinu, sem ég gaf feðrum yðar, og þér skuluð vera mín þjóð og ég skal vera yðar Guð.

²⁹Ég mun frelsa yður frá öllum óhreinindum yðar, og ég mun kalla á kornið og margfalda það, og ekkert hallæri mun ég láta yfir yður koma. ³⁰Og ég mun margfalda ávöxtu trjánna og gróða vallarins, til þess að þér þurfið ekki að þola brigsl meðal heiðnu þjóðanna fyrir hallæri. ³¹Þá munuð þér minnast yðar vondu breytni og verka yðar, sem ekki voru góð, og yður mun bjóða við sjálfum yður sökum misgjörða yðar og viðurstyggða. ³²Eigi er það yðar vegna, að ég læt til mín taka, segir Drottinn Guð, það skuluð þér vita! Blygðist og skammist yðar fyrir breytni yðar, þér Ísraelsmenn!

Velkomin í upplýsingahornið II.

Vissuð þið:

Að erkienglarnir 7 eru sendiboðar og eftirlitsaðilar skaparans!!

Þeir heita, samkvæmt eastern orthodoxy: Michael, Gabriel, Raphael, Uriel, (Selaphiel, Jegudiel, Barachiel.)

Samkvæmt Book of Enoch, heita þeir:

Það sama og fjórir fyrstu að ofan, en hinir 3: Ragúel, Zerachiel, og Renniel.

Til gamans má geta þess hér, að vottar Jehóva, segja að aðeins Guð einn, viti hvað englarnir heita í raun og veru.

Heimildir: Wikipedia

Velkomin í upplýsingahornið.

Hér mun verða fjallað um ýmsa hluti og atburði úr fortíð og nútíð, annað veifið,

 sem ekki er verið að fjalla mikið um opinberlega hérlendis, eða erlendis.

Njótið vel.

Vissuð þið ?

Að fyrir mörg þúsund árum, voru hundruðir engla á jörðinni, að eignast börn með mennskum konum, og að kenna fólki að smíða vopn, konum að mála sig og mönnum efnafræði, svo eitthvað sé nefnt. Hér voru hátæknisamfélög, sem höfðu meðal annars smíðað undarlegustu faratæki, sem talið er að hafi verið knúinn áfram með útvarpsbylgjum.

Ameríski herinn hefur gert ótal til raunir með segulsvið og ein leiddi til þess að heilt herskip ásamt allri áhöfninni varð ósýnilegt með öllu!!

Engill drottins hughreystir Jesú.

Heimildir : Book of Enok, Joseph P Lumpkin, Biblían, bók um bermúdaþríhyrninginn (man ekki hvað hún heitir), Vígslan, Við erum aldrei ein (Margit Sandemo), svo eitthvað sé nefnt.